LAK.LA | ທ່ຽວວຽງຈັນ ວັງວຽງ ທົວຊຽງຂວາງ ທົ່ງໄຫຫິນ ຫຼວງພະບາງ
ຜະລິດຕະພັນກ່ຽວຂ້ອງກັນ
(0)
(1)
ຊ່ວຍເຫຼືອ
ທ່ຽວວຽງຈັນ ວັງວຽງ ທົວຊຽງຂວາງ ທົ່ງໄຫຫິນ ຫຼວງພະບາງ

ທ່ຽວວຽງຈັນ ວັງວຽງ ທົວຊຽງຂວາງ ທົ່ງໄຫຫິນ ຫຼວງພະບາງ

ຕິດຕໍ່
ເລກລະຫັດ: 2753
ເວລາທີ່ໃຊ້: 13-05-2015
ຈຳນວນເຂົ້າຊົມເວບໄຊທ໌: 13427
ສະຖານທີ່: ໝົດທຸກແຂວງ

ທ່ຽວວຽງຈັນ ວັງວຽງ ທົວຊຽງຂວາງ ທົ່ງໄຫຫິນ ຫຼວງພະບາງ 5 ວັນ 4 ຄືນ ເລີ່ມຈາກ ໜອງຄາຍອຸດອນ
ສະມາຊິກຕອບ
ວັນທີຈົດທະບຽນ: 08-05-2015
ຜູ້ຕິດຕໍ່: phatsada
ມືຖື: 55191177
ທີ່ຢູ່: dongpalaep, Vientiane
Email:
Facebook:

ທ່ຽວ 2 ມໍລະດົກໂລກຂອງປະເທດລາວທັງເມືອງຫຼວງພະບາງ ແລະ ທົ່ງໄຫຫີນ

ທີ່ແຂວງຊຽງຂວາງ ທຣິບສຸດຄຸ້ມທ່ຽວຄົບລາວເໜືອ​ 

 

 

ວັນ​ທີ 1 ວຽງ​ຈັນ-ວັງ​ວຽງ-ຫຼວ​ງ​ພະ​ບາງ

 

07.00 ໂມງ ເຈົ້າ​ໜ້າ​ທີ່ l2btravel ໃຫ້​ການ​ຕ້ອນ​ຮັບ​ຄະ​ນະ​ທີ່​ສະ​ໜາມ​ບິນ​ອຸ​ດອນ​ທາ​ນີ ຫຼື ໜອງ​ຄາຍ

08.00 ໂມງ ເດີນ​ທາງ​ໄປ​ສະ​ພານ​ມິດ​ຕະ​ພາບ ໄທ-ລາວ ເພື່ອ​ເຮັດ​ເອ​ກະ​ສານ​ຜ່ານ​ແດນ​ຂ້າມ​ໄປ​ປະ​ເທດ​ລາວ

09.00 ໂມງ ເດີນ​ທາງ​ສູ່​ເມືອງວັງ​ວຽງ ສາຍ​ນ້ຳ​ຊອງ​ໄຫຼ​ຜ່ານ​ໃສ​ບໍ​ລິ​ສຸດ​ລະ​ຫວ່າງ​ທາງ, ຊົມ​ວິ​ຖີ​ຊີ​ວິດ​ຂອງ​ຊາວ​ລາວ ແລະ​ວິວ​ທຳ​ມະ​ຊາດ ສອງ​ຂ້າງ​ທາງ. ວັງ​ວຽງ​ເປັນ​ເມືອງ​ທີ່​ມີ​ທຳ​ມະ​ຊາດ​ສ​ວຍ​ສົດ​ງົດ​ງາມ​ອາ​ກາດ​ເຢັນ​ສະ​ບາຍ, ເປັນ​ແຫຼ່ງ​ທ່ອງ​ທ່ຽວ​ຂອງ​ລາວ​ຕັ້ງ​ຢູ່​ແຄມ​ແມ່​ນ້ຳ​ຊອງ. ອ້ອມ​ຮອບ​ດ້ວຍ​ພູ​ເຂົາ​ຫິນ​ປູ​ສູງ, ເຫັນ​ສາຍ​ນ້ຳ​ກວ້າງ​ສະຫຼັບ​ກັບ​ເນີນຊາຍ ໂດຍ​ມີ ​ເຂົາ​ຫິນ​ປູເປັນ​ສາກຫຼັງ. ວັງ​ວຽງ​ໄດ້​ສາ​ຍາ​ວ່າ ກຸ້ຍຫຼິນ​ແຫ່ງ​ເມືອງ​ລາວ

12.00 ໂມງ ຮັບ​ປະ​ທານ​ອາ​ຫານ​ທ່ຽງ

13.00 ​ໂມງ ຈາກນັ້ນ​ມຸ່ງ​ໜ້າ​ເດີນ​ທາງ​ສູ່ ຫຼວງ​ພະ​ບາງ ຕາມ​ລະ​ຫວ່າງ​ທາງ​ພວກ​ເຮົາ​ຈະ​ຖ່າຍ​ຮູບ​ທີ່​ບ້ານ​ຜາ​ຕັ້ງ ແລະ​ ວິວ​ແມ່​ນ້ຳ​ຊອງ​ອັນ​ງົດ​ງາມ, ຕະຫຼອດ​ສອງ​ຂ້າງ​ທາງທ່ານ​ຈະ​ເພິດ​ເພີນ​ກັບ​ທັດ​ສະ​ນີ​ຍະ​ພາບ​ອັນ​ງົດ​ງາມ​ຂອງ​ທິວ​ເຂົາ​ໄຮ່​ນາ​ແບບ​ຂັ້ນ​ໄດ ແລະ ໝູ່​ບ້ານ​ພື້ນ​ເມືອງ​ຕ່າງ​ໆ​ຂອງ​ລາວ​ເຊັ່ນ : ລາວ​ສູງ, ລາວ​ເທິງ, ລາວ​ມົ້ງ, ໄທ​ລື້ ຊຶ່ງ​ຕັ້ງ​ບ້ານ​ເຮືອນ​ຢູ່​ສອງ​ຂ້າງ​ທາງ. ຊົມ​ຄວາມ​ຍິ່ງ​ໃຫ​ຍ່​ຂອງ​ພູ​ເຂົາ​ທີ່​ເຕັມ​ໄປ​ດ້ວຍ​ປ່າ​ໄມ້​ນາ​ນາ​ພັນ​ທີ່​ຂຶ້ນ​ຕາມ​ທຳ​ມະ​ຊາດ, ເສັ້ນ​ທາງ​ສາຍນີ້​ຖື​ວ່າ​ເປັນ​ເສັ້ນ​ທາງ​ລັດ​ເລາະ​ພູ​ເຂົາ​ທີ່​ສວຍ​ງາ​ມ​ທີ່​ສຸດ​ແຫ່ງ​ໜຶ່ງ​ຂອງ​ເອ​ເຊຍ​ອາ​ຄະ​ເນ​ກໍ​ວ່າ​ໄດ້
19.00 ໂມງ ຮັບ​ປະ​ທານ​ອາ​ຫານ​ແລງ check in ທີ່​ພັກຫຼວງ​ພະ​ບາງ, ຈາກນັ້ນ ພາ​ທ່າ​ນ​ທ່ຽວ​ຕະຫຼາດ​ມືດຫຼວງ​ພະ​ບາງ

 

ວັນ​ທີ 2 ຕັກ​ບາດ​ເຂົ້າ​ໜຽວ-ພະ​ທາດ​ພູ​ສີ-ພະ​ລາ​ຊະ​ວັງ-ວັດ​ຊຽງ​ທອງ-ຖ້ຳ​ຕິ່ງ-ນ້ຳ​ຕົກ​ຕາດ​ກວາງ​ຊີ

 

05.30 ໂມງ ເຊີນ​ທ່ານ​ຮ່ວມ​ທຳ​ບຸນ​ໃສ່​ບາດ​ເຂົ້າ​ໜຽວ​ພ້ອມ​ກັບ​ປະ​ຊາ​ຊົມຫຼວງ​ພະ​ບາງ​ໃນ​​ທຸກ​ເຊົ້າ ພະ​ສົງ ແລະ ​ສາ​ມະ​ເນນ​ຈາກວັດ​ຕ່າງ​ໆ​ຈະ​ອອກ​ບິນ​ທະ​ບ​າດ ຊຶ່ງ​ເປັນ​ພາບ​ອັນ​ໜ້າ​ປະ​ທັບ​ໃຈ ແລະ​ ສື່​ເຖິງ​ຄວາມ​ເຫຼື້ອມ​ໃສ​ໃນ​ພຸດ​ທະ​ສາ​ສະ​ໜາ​ຂອງ​ຊາວຫຼວງ​ພະ​ບາງ. ຈາກນັ້ນ ພາ​ທ່ານ​ທ່ຽວ​ຊົມ​ຕະຫຼາດ​ເຊົ້າ​ເຊິ່ງ​ເປັນ​ຕະຫຼາດ​ສົດ, ທ່ານ​ສາ​ມາດ​ເລືອກ​ຊື້​ອາ​ຫານ​ພື້ນ​ເມືອງ ແລະ ຂອງ​ປ່າ

07.00 ໂມງ ຮັບ​ປະ​ທານ​ອາ​ຫານເຊົ້າ

08.00 ໂມງ ພາ​ທ່ານ​ເຂົ້າ​ຊົມ​ພະ​ລາດ​ຊະ​ວັງຫຼວງ​ພະ​ບາງ ສ້າງ​ໃນ​ສະ​ໄໝ​ເຈົ້າ​ຊີ​ວິດ ສີ​ສ​ະ​ຫວ່າງວົງ​ໂດຍ​ສ​ະ​ຖ​າ​ປະ​ນິກ​ຊາວ​ຝ​ຣັ່ງ, ເປັນ​ການ​ປະ​ສົມ​ປະ​ສານ​ລະ​ຫວ່າງ ສິ​ລະ​ປະ​ແບບຝຣັ່ງ ແລະ ລາວ. ເປັນ​ທີ່​ປະ​ທັບ​ຂອງ​ເຈົ້າຊີວິດສີ​ສະ​ຫວ່າງວົງ ແລະ ເຈົ້າ​ສີ​ສະ​ຫວ່າງ​ວັດ​ທະ​ນາ, ປັດ​ຈຸ​ບັນ​ໄດ້​ປ່ຽນ​ມາ​ເປັນ​ພິ​ພິ​ຕະ​ພັນ, ພາ​ທ່ານ​ຊົມ​ຫໍ​ພະ​ບາງ​ເປັນ​ທີ່​ປະ​ດິດ​ຖານ​ພະ​ບາງ ພະ​ຄູ່​ບ້ານ​ຄູ່​ເມືອງ

09.00 ໂມງ ພາ​ທ່ານ​ຊົມ​ວັດ​ຊຽງ​ທອງ ວັດ​ທີ່​ຕັ້ງ​ຢູ່​ແຄມ​ຝັ່ງ​ແມ່​ນ້ຳ​ຂອງ ປະ​ມານ​ປີ ພ.ສ 2102-2013. ຊົມ​ພະ​ອຸ​ໂບ​ສົດ ​ທີ່​ມີ​ສິ​ລະ​ປ​ະ​ແບບ​ລ້າ​ນ​ຊ້າງ. ຊົມ​ພະພຸດ​ທະ​ຮູບ, ຊົມ​ພະ​ວິ​ຫານ​ພະ​ມ່ານ, ຜະ​ໜັງ​ສີ​ບົວ, ພາບ​ປະ​ດັບ​ກະ​ຈົກ​ສີເລົ່າ​ເຖິງວິ​ຖີ​ຊີ​ວິດ​ຊາວຫຼວງ​ພະ​ບາງ ອອກ​ແບບ​ໂດຍ​ເຈົ້າ​ມະ​ນີ​ວົງ . ພາຍ​ໃນ​ບັນ​ຈຸ​ພະ​ພຸດ​ທະ​ຮູບ​ແກະ​ສະຫຼັກ​ໄມ້​ຈຳ​ນວນຫຼວງຫຼາຍ

10.00 ໂມງ ພາ​ທ່ານ​ຊົມ​ວັດ​ວິ​ຊຸນ ສ້າງ​ໃນ​ສະ​ໄໝ​ເຈົ້າ​ວິ​ຊຸນ (ພ.ສ 2046) ນັບ​ເປັນ​ອີກ​ໜຶ່​ງ​ພະ​ທາດ​ທີ່​ຊາວຫຼວງ​ພະ​ບາງ​ໃຫ້​ຄວາມ​ນັບ​ຖື​ ຊຶ່ງ​ເປັນ​ພະ​ທາດ​ທີ່​ມີ​ຮູບ​ຊົງ​ຄ້າຍ​ຄື​ກັບ​ໝາກ​ໂມ​ຜ່າ​ເຄິ່ງ

 

10.30 ໂມງ ເດີນ​ທາງ​ໄປ​ຍັງ​ໝູ່​ບ້ານ​ຊ່າງ​ໄຫ ເພື່ອ​ລົງ​ເຮືອ​ເດີນ​ທາງ​ຊົມ​ວິວ​ທິວ​ທັດ​ສອງ​ຝັ່ງ​ແມ່​ນ້ຳ​ຂອງ ຮັບ​ປະ​ທານ​ອາ​ຫານ​ທ່​ຽງ ທີ່​ໝູ່​ບ້ານ​ປາກ​ອູ

12.00 ໂມງ ຮັບ​ປະ​ທານ​ອາ​ຫານ​ທ່​ຽງ ທີ່​ໝູ່​ບ້ານ​ປາກ​ອູ . ພາ​ທ່ານ​ຊົມ​ຖ້ຳ​ຕິ່ງ​ເຊິ່ງ​ເປັນ​ຖ້ຳ​ຢູ່​ເທິງ​ໜ້າ​ຜາ​ແຄມ​ແມ່​ນ້ຳ​ຂອງ ມີ2ຖ້ຳ​ຄື: ຖ້ຳ​ຕິ່ງລຸ່ມ ແລະ ຖ້ຳ​ຕິ່ງເທິງ. ຖ້ຳ​ຕິ່ງລຸ່ມ ສູງ 60 ແມັດ ມີ​ລັກ​ສະ​ນະ​ເປັນ​ໂພງ​ນ້ຳ​ຕື້ນໆ, ມີ​ຫິນ​ຍ້ອຍ, ມີ​ພະ​ພຸດ​ທະ​ຮູບ​ໄມ້​ຈຳ​ນວນ 2,500 ອົງ ສ່ວນ​ໃຫ​ຍ​ຈະ​ເປັນ​ພະ​ຢືນ​ມີ​ທັງ​ປາງ​ປະ​ທານ​ພອນ ແລະ ປາງ​ຫ້າມ​ຍາດ. ຖ້ຳ​ຕິ່ງເທິງຈະ​ໄປ​ທາງ​ແຍກ​ຊ້າຍ​ໂດຍ​ຂຶ້ນ​ຂັ້ນ​ໄດ, ປາກ​ຖ້ຳ​ບໍ່​ເລິກຫຼາຍ, ມີ​ພະ​ພຸດ​ທະ​ຮູບ​ຢູ່​ໃນ​ຖ້ຳ.

15.00 ໂມງ ພາ​ຄະ​ນະ​ຊົມ​ນ້ຳ​ຕົກ​ຕາດ​ກວາງ​ຊີ​ ຫ່າງຈາກ​ຫຼວງ​ພະ​ບາງ​​ປະ​ມານ 30 ກິ​ໂລ​ແມັດ​ໂດຍ​ຜ່ານ​​ໝູ່ບ້ານ​ຊົນ​ນະ​ບົດ​ ຊົມ​ຄວາມ ​ງົດ​ງາມຂອງ​ນ້ຳ​ຕົກ​ທີ່ ​ສູງປະ​ມານ 70-80 ແມັດ ຖື​ວ່າ​ເປັນ​ນ້ຳ​ຕົກ ​ທີ່​ງາມ​ທີ່​ສຸດ​ໃນ​ແຂວງ​​​ຫລວງ​ພະ​ບາງ​.

18.00 ໂມງ ພາ​ທ່ານ​ຂຶ້ນ​ສູ່​ເຂົາ​ພູ​ສີ ຂຶ້ນ​ຂັ້ນ​ໄດ 328 ຂັ້ນ, ເຊີນ​ມະ​ນັດ​ສະ​ການ​ທາດ​ພູ​ສີ ເຈ​ດີ​ທາດ​ຄູ່​ບ້ານ​ຄູ່​ເມືອງ​ຂອງ​ຊາວຫຼວງ​ພະ​ບາງ. ຕະຫຼອດ​ທາງ​ຂຶ້ນ​ທ່ານ​ຈະ​ໄດ້​ຮັບ​ກິ່ນ​ຫອມ​ຈາກ​ດອກ​ຈຳ​ປາ​ລາວ​ທີ່​ເປັນ​ດອກ​ໄມ້​ປະ​ຈຳ​ຊາດ​ລາວ. ເມື່ອທ່ານ​ໄປ​ເຖິງຍອດ​ໃຫ້ທ່ານນະມັດສະການພະ​ທາດ ຊຶ່ງໄດ້ສ້າງຂຶ້ນໃນສະໄຫມຂອງ ເຈົ້າ​ອະ​ນຸ​ຣຸດ ເມື່ອປີ ຄ.ສ 2337 . ພະ​ທາດ​ເປັນ​ຮູ​ບ​ຊົງດອກບົວຢູ່​ເທິງ​ຖານ​ສີ່ຫຼ່ຽມ ສຸງ​ປະ​ມານ 21 ແມັດ. ຊົມ​ພະ​ອາ​ທິດ​ຍາມ​ແລງ ທິວທັດ​ຮອບ​ເມືອງຫລວງພະບາງຍາມ​ແລງ.

18.00 ໂມງ ຮັບ​ປະ​ທານ​ອາ​ຫານແລງ​ທີ່​ຮ້ານ​ອາ​ຫານ

19.00 ໂມງ check in ທີ່​ພັກ. ຈາກນັ້ນ ພາ​ທ່າ​ນ​ທ່ຽວ​ຕະຫຼາດ​ມືດຫຼວງ​ພະ​ບາງ

 

ວັນ​ທີ 3 ຫຼວງ​ພະ​ບາງ-ທົ່ງ​ໄຫ​ຫີນ ຊຽງ​ຂວາງ

 

07.00 ໂມງ ຮັບ​ປະ​ທານ​ອາ​ຫານເຊົ້າ ກັບ​ບັນ​ຍາ​ກາ​ດ​ຍາມ​ເຊົ້າ​ທີ່​ໂຮງ​ແຮມ​ທີ່​ໂຮງ​ແຮມ

07.30 ໂມງ ອອກ​ເດີນ​ທາງ​ມຸ່ງ​ໜ້າ​ສູ່​ເມືອງ​ໂພນ​ສະ​ຫວັນ​ ເມືອງ​ທົ່ງ​ໄຫ​ຫີນ ທີ່​ອົງ​ການ ຍູ​ເນ​ສ​ໂກ ໄດ້​ຍອມ​ຮັບ​ໃຫ້​ທົ່ງ​ໄຫ​ຫີນ​ເປັນ​ມໍ​ລະ​ດົກ​ໂລກ, ລະ​ຫວ່າງ​ການ​ເດີນ​ທາງ​ຈະ​ເຫັນ​ວິ​ຖີ​ຊີ​ວິດ ຄວາມ​ເປັນ​ຢູ່ ແລະ ທຳ​ມະ​ຊາດ​ທີ່​ສວຍ​ງາມ ກັບ​ອາ​ກາດ​ທີ່​ເຢັນ​ສະ​ບາຍ, ແວະ​ຊົມ​ສິນ​ຄ້າ ແລະ ທ່ຽວ​ເມືອງ​ຄຳ ເພື່ອ​ຊົມ​ຄວາມ​ເປັນ​ຢູ່​ຂອງ​ປະ​ຊາ​ຊົນ

12.00 ໂມງ ຮັບ​ປະ​ທານ​ອາ​ຫານ​ທ່​ຽງ

14.00 ໂມງ check in ເຂົ້າ​ໂຮງ​ແຮມ

14.30 ໂມງ ເດີນ​ທາງ​ສູ່ ເມືອງ​ຄູນ ຫ່າງ​ຈາກ​ເມືອງ​ໂພນ​ສະ​ຫວັນ ໄປ​ທາງ​ເໜືອ 35 ກິ​ໂລ​ແມັດ, ຊົມ​ສະ​ຖານ​ທູດ​ຝຣັ່ງ​ເກົ່າ​ທີ່​ປົກ​ຄອງ​ລາວ, ນະ​ມັດ​ສະ​ການ​ພະ​ໃຫ​ຍ່​ອັນ​ສັກ​ສິດ​ຂອງ​ຊາວ​ເມືອງ​ຄຳ ຊົມ​ວິ​ຖີ​ຊີ​ວິດ ແລະ ສິນ​ຄ້າ​ພື້ນ​ເມືອງ. ຈາກນັ້ນ​ເດີນ​ທາງ​ສູ່​ທົ່ງ​ໄຫ​ຫີນ . ນຳ​ຄະ​ນະ ເຂົ້ັ້າ​ຊົມ​ຖ້ຳ ແລະ ຫຼຸມຫຼົບ​ໄພ​ໃນ​ຄັ້ງ​ສົງ​ຄາມ​ປົດ​ປ່ອຍ ສ​ປ​ປ ລາວ

18.00 ໂມງ ຮັບ​ປະ​ທານ​ອາ​ຫານ​ແລງ       

19.00 ໂມງ ພາ​ຊົມ​ເມືອງ​ໂພນ​ສ​ະ​ຫວັນ​ຍາມ​ຄ່ຳ​ຄືນ ແລະ​ ພັກ​ຜ່​ອນ​ຕາມ​ອັດ​ທະ​ຍາ​ໄສ

 

ວັນ​ທີ 4 ຊຽງ​ຂວາງ-ວຽງ​ຈັນ-ຖ້ຳ​ຈັງ ກຸ່ຍຫຼິນ​ເມືອງ​ລາວ

 

07.00 ໂມງ ຮັບ​ປະ​ທານ​ອາ​ຫານເຊົ້າ

08.00 ໂມງ ເດີນ​ທາງ​ອອກ​ຈາກ​ຊຽງ​ຂວາງ , ແວະ​ເຂົ້າ​ຖ່າຍ​ຮູບ​ວິວ(ຈຸດ​ນີ້​ຈະ​ສູງ​ທີ່​ສຸດ​ໃນ​ເສັ້ນ​ທາງນີ້) ທີ່​ພູ​ຄູນ ໝູ່​ບ້ານ​ຊາວ​ເຂົາ, ຜ່ານ​ພູ​ຄູນ​ເລືອກ​ຊື້​ຜັກ ໝາກ​ໄມ້ ສັດ​ປ່າ​ຈາກ​ຊາວມົ້ງ​ທີ່​ປ​ອດ​ສາ​ນ​ພິດ

12.00 ໂມງ ຮັບ​ປະ​ທານ​ອາ​ຫານ​ທ່​ຽງ

15.00 ໂມງ ເດີນ​ທາງ​ເຖິງ ກຸ້ຍຫຼິນ​ແຫ່ງ​ເມືອງ​ລາວ”, ພາ​ຄະ​ນະ​ຊົມ​ຖ້ຳ​ຈັງ, ຖ້ຳ​ທີ່​ສວຍ​ງາມ​ທີ່​ສຸດ​ຂອງວັງ​ວຽງ ພາຍ​ໃນ​ເປັນ​ໂຖງ​ໃຫ​ຍ່ ມີ​ໄຟ​ປະ​ດັບ, ພາຍ​ໃນ​ຖ້ຳ​ສຳ​ຜັດ​ໄດ້​ເຖິງ​ອາ​ກາດ​ທີ່​ຊຸ່ມ​ເຢັນ ແລະ ຫີນ​ຍ້ອຍ​ອັນ​ງົດ​ງາມ

18.00 ໂມງ ຮັບ​ປະ​ທານ​ອາ​ຫານ​ແລງ ແລະ ເຂົ້າ​ທີ່​ພັກ, ພັກ​ຜ່​ອນ​ຕາມ​ອັດ​ທະ​ຍາ​ໄສ ຫຼື ທ່ານ​ໃດ​ຕ້ອງ​ການ​ທ່ຽວ​ຊົມ​ໃນ​ຕົວ​ເມືອງວັງ​ວຽງ​ຍາມ​ຄ່ຳ​ຄືນ ທາງ​ທີມ​ງານ​ມີ​ບໍ​ລິ​ການ​ຮັບ​ສົ່ງ​ໃຫ້​ທ່ານ


ວັນ​ທີ 5 ວັງ​ວຽງ-ນະ​ຄອນຫຼວງວຽງ​ຈັນ-ພະ​ທາດຫຼວງ-ປະ​ຕູ​ໄຊ-ໜອງ​ຄາຍ

 

07.00 ໂມງ ຮັບ​ປະ​ທານ​ອາ​ຫານເຊົ້າ

08.00 ໂມງ ຈາກນັ້ນ​ອອກ​ເດີນ​ທາງ​ມຸ່ງ​ໜ້າ​ສູ່ ນະ​ຄອນຫຼວງວຽງ​ຈັນ ໄລ​ຍະ​ທາງ 150 ກິ​ໂລ​ແມັດ

12.00 ໂມງ ຮັບ​ປະ​ທານ​ອາ​ຫານ​ທ່​ຽງ ທີ່​ພັດ​ຕະ​ຄານ

13.00 ໂມງ ພາ​ທ່ານ​ເຂົ້າ​ຊົມ ພິ​ພະ​ຕະ​ພັນ​ຫໍ​ພະ​ແກ້ວ (Hor Phra Kaew Museum), ພາ​ທ່ານ​ຊົມ​ນະ​ມັດ​ສະ​ການ​ພະ​ທາດຫຼວງ ເຊິ່ງ​ເປັນ​ປູ​ສະ​ນີ​ຍະ​ສະ​ຖານ​ທີ່​ສຳ​ຄັນ​ແຫ່ງ​ໜຶ່ງ​ໃນ​ນະ​ຄອນຫຼວງ ແລະ ທ່ຽວ​ຊົມ ອະ​ນຸ​ສາ​ວະ​ລີ​ປະ​ຕູ​ໄຊ (Victory Monument) ເປັນ​ສະ​ຖາ​ປັດ​ຕະ​ຍະ​ກຳ​ປະ​ສົມ​ລະ​ຫວ່າງ​ລາວ​ລ້ານ​ຊ້າງ​ກັບ​ຝ​ຣັ່ງ ຕັ້ງ​ຢູ່​ໃຈ​ກາງ​ນະ​ຄອນຫຼວງວຽງ​ຈັນ ເພື່ອ​ລະ​ລຶກ​ເຖິງວິ​ລະ​ຊົນ​ຂອງ​ຊາດ​ທີ່​ເສຍ​ສະຫຼະ​ເພື່ອ​ປະ​ເທດ​ຊາດ. ມາ​ຮອດ​ຊັ້ນ​ເທິງ​ສຸດ​ທ່ານ​ສາ​ມາດ​ຊົມ​ທິວ​ທັດ​ຂອງວຽງ​ຈັນ​ໄດ້​ທຸກ​ທິດ​ທາງ

15.00 ໂມງ ໄດ້​ເວ​ລາ​ອັນ​ສົມ​ຄວນ ນຳ​ຄະ​ນະ​ມາ​ທີ່​ດ່ານ​ຊາຍ​ແດນ ລາວ-ໄທ ໃຫ້​ທ່ານ​ເລາະ​ຊື້​ສິນ​ຄ້າ​ປ​ອດ​ພາ​ສີ​ທີ່ Duty free ຂອງ​ລາວ ລະ​ຫວ່າງ​ຖ້າ​ເຈົ້າ​ໜ້າ​ທີ່​ເຮັດ​ເອ​ກະ​ສານ​ການ​ຂ້າມ​ແດນ ທີ່​ດ່ານ​ລາວ, ເລືອກ​ຊື້​ສິນ​ຄ້າ​ນາ​ນາ​ຊາດ​ມີ​ຍີ່​ຫໍ້ ລາ​ຄາ​ຖືກ ເຊັ່ນ: ເຫຼົ້າ, ໄວ​ນ, ຢາ​ສູບ ແລະ ເຄື່ອງ​ສຳ​ອາງ

16.30 ໂມງ ເດີນ​ທາງ​ກັບ​ເມືອງ​ໄທ​ດ້ວຍ​ຄວາມ​ປະ​ທັບ​ໃຈ ແລະ ສົ່ງ​ທ່ານ​ຕາມ​ທີ່​ນັດ​ໝາຍ

ອັດ​ຕານີ້​ລວມ

·   ຄ່າ​ທີ່​ພັກ

·   ຄ່າ​ລົດ​ຕູ້/ລົດ​ເມ

·   ຄ່າ​ອາ​ຫານ

·   ນ້ຳ​ດື່ມ ແລະ ອາ​ຫານ​ວ່າງ​ລະ​ຫວ່າງ​ເດີນ​ທາງ

·   ຄ່າ​ທຳ​ນຽມ​ສ​ະ​ຖານ​ທີ່​ຕ່າງ​ໆ ລວມ​ຄ່າ​ຜ່ານ​ແດນ​ໄປ​ລາວ

 

ອັດ​ຕານີ້​ບໍ່ລວມ

·   ​ຄ່າ​ໂທ​ລະ​ສັບ, ຄ່າ​ຊັກ​ລີດ, ຄ່າ​ມິ​ນິ​ບາ

·   ຄ່າ​ລາຍ​ການ​ອາ​ຫານນອກ​ເມ​ນູ, ເຄື່ອງ​ດື່ມ ແອ​ລ​ກໍ​ຮໍ

·   ຄ່າ​ທິບ​ຄົນ​ຂັບ​ລົດ ແລະ ໄກທ

·   ຄ່າ​ກະ​ຕິບ​ໃສ່​ບ​າດ​ເຂົ້າ​ໜຽວ​ເຮັດ​ບຸນ

ບໍລິການຂອງ LAK.LA
» ແນະນຳກ່ຽວກັບ LAK.LA
» ສ້າງເວບໄຊຟຣີ free website
» ການຄ້າຜ່ານອີເລກໂທຼນິກ e-commerce
» ລົງປະກາດຊື້ຂາຍ buy sell
» ປະກາດຮັບສະໝັກວຽກ job
ເບິ່ງທັງໝົດ »
ການແນະນຳ
» ປະເພດເວບໄຊທ໌
» ວິທີການສ້າງເວບໄຊ
» ວິທີຊຳລະຄ່າບໍລິການ
» ວິທີການຄຸ້ມຄອງເວບໄຊທ໌
» ວິທີເພີ່ມຜະລິດຕະພັນ
ເບິ່ງທັງໝົດ »
ໂປຮໂມຊັ້ນ
» ອອກແບບເວບໄຊທ໌ຟຣີ
» ຊືໂດເມນຟຣີ .COM, .NET, .ORG
» ອອກແບບ Banner ຟຮີ
» ຟຣີໂປຣແກຣມຂ້າ Virus (Anti Virus)
» ແປະ Banner ຟຣີຢູ່ໜ້າ www.lak.la
ເບິ່ງທັງໝົດ »
ປ້ອນເມລ໌ເພື່ອຮັບຂໍ້ມູນ
ປ້ອນເມລ໌ເພື່ອຮັບຂໍ້ມູນພິເສດແລະຂ່າວຕ່າງໆຂອງ www.lak.la